Reasons to stay alive

• Dini Existenz isch ned sinnlos! Du hesch anderne Mensche ghulfe. Vergiss nie, du bisch ned Wertlos. Du wirsch gschätzt!
• Es het gueti Zite geh! Moment i dene du dich frei und glücklich gfühlt hesch. Und die werdet wieder cho!
• Liebi, Selbstliebi, Liebi für anderi Persone, Liebi fürs Lebe. Jede het Liebi verdient und cha sie au erlebe au du!
• Musig wie oft het der Musig scho ghulfe? Wie oft het dich Musig scho Sache fühle lah wo ned chasch erkläre? Stell der mal vor, du chasch so öpis schöns nie meh erlebe/fühle... Musig heilt!
• Din Tod beendet de Schmerz ned. Er git s ganze Liide nur wieter, a all die wo dich gschätzt und gliebt hend. S`Loch wo du hinterlasch isch grösser als de Schmerz wo du gspürsch, wenn du lebsch!
• Gedanke und Persönlichkeite veränderet sich. Stells der eso vor: Din Chopf/Verstand isch e Galaxie... Meh dunkel als hell. Aber s Liecht macht das us, für was es sich lohnt. Au wenn Dunkelheit alles usfüllt, bring dich ned um! Denk immer dra, dass s Lebe ned still staht. Ziit isch s`Weltall, du bewegsch dich nur dur d`Galaxie, wart ufd Sterne!